2022-жыл “Эл-Ди-Эс Черитиз” кайрымдуулук фонду үчүн маанилүү жыл болду. Анткени фонд жүздөгөн адамдардын жашоосун өзгөрткөн долбоорлорду ишке ашырды. Ар бир демилге өзгөчө жардамга муктаж болгондорду колдоого жана өлкөнүн социалдык чөйрөсүнүн туруктуу өнүгүүсү үчүн шарттарды түзүүгө багытталган.

Бишкек шаарындагы Реабилитациялык борбордун жабдууларын жаңылоо негизги жетишкендиктердин бири болду. Мекеме эскирген техниканы алмаштыруу өтүнүчү менен кайрылган жана фонд бул маселени толугу менен чечти. Борборго жаңы кир жуугуч машиналар, кургаткычтар, духовка, электр плитасы жана муздаткыч берилди. Борбордо гигиенанын жогорку деңгээли менен сапаттуу тамактануу камсыздалды. Бул жардам өзгөчө бейтаптардын саны көбөйүп жаткан учурда маанилүү кадам катары саналат.

Дагы бир маанилүү демилге майыптар коляскасы менен камсыз кылуу программасы болду. Долбоор бүткүл өлкөнү камтып, жардам каражаттарын таратуу гана эмес, адистерди окутууну да камтыды. Фонд 700 майыптар коляскасын, 200 басууга ыңгайлашкан буюмдарды тапшырып, дарыгерлер, социалдык кызматкерлер жана техниктер үчүн курстарды уюштурду. Аймактар үчүн өз билими менен бөлүшө турган үч мастер-тренер даярдалды. Натыйжада 900 адам жардам алды. Программанын алкагында иштелип чыккан коляскаларды бөлүштүрүү эрежелери Кыргыз Республикасынын Эмгек, социалдык камсыздоо жана миграция министрлигинин 2023-жылдын 6-июнундагы №99 буйругу менен бекитилди.

Бишкек шаарындагы көзү азиз жана начар көргөн балдар үчүн мектеп-интернатка өндүрүш тибиндеги жаңы кир жуучу жай ачууга көмөк көрсөтулдү. Совет мезгилинен бери колдонулуп келген эски жабдуулар толугу менен алмаштырылды. Мектеп кир жуугуч машинаны, кургаткычты жана үтүктөө системасын алды. Бул 180 баланын, анын ичинде жетим жана аз камсыз болгон үй-бүлөлөрдүн балдарынын жашоо-турмуш шарттарын кыйла жакшыртты. Мындан тышкары, интернаттагы персоналдын иши да кыйла натыйжалуу болуп калды.

Жалпысынан жыл ичинде 1000ден ашык адам фонддун долбоорлорунун аркасы менен жардам алышты. Социалдык стандарттар жакшыртылып, мамлекеттик органдар жана коомдук уюмдар менен өз ара аракеттенүү жаңы деңгээлге чыкты.

“Эл-Ди-Эс Черитиз” фонду адамдардын жашоо сапатын жакшыртуу боюнча өз миссиясын улантууда.

Биргеликте биз дүйнөнү жардамга өзгөчө муктаж болгондор үчүн жакшыртып, кайрымдуулук миссиябызды улантабыз.

Сиздерди фонддун долбоорлоруна кошулуп, позитивдүү өзгөрүүлөргө катышууга чакырабыз!